محترم حضرت حکیم صاحب السلام علیکم!سات آٹھ ماہ پہلے سے ہمارے گھر جنات ہیں ہم اس گھر میں پانچ سال سے رہ رہے ہیں لیکن پہلے کبھی جنات نے تنگ نہیں کیا تھا اب بھی دروازہ کھٹکھٹاتے ہیں اور کبھی پائل کی چھن چھن سنائی دیتی ہے کبھی سبز اورسفید صرف آنکھیں نظر آتیں ہیں اورکبھی صرف روشنی نظر آتی ہے جنات اپنی موجودگی کا احساس دلا رہے ہیں۔ ہمارے ساتھ والے گھر میں ایک فیملی رہتی ہے وہ انکل عامل ہیں‘ ماما نے ان کو بتایا تو انہو ںنے حساب لگا کر پتہ کیا اور بتایا کہ آپ کے چھوٹے بیٹے اس کے رشتے کے لیے کسی نے جادو کروایا ہے۔ میرے تین بھائی ہیں اور ہم دو بہنیں ہیں بڑے بھائی کی منگنی ہوئی ہے جبکہ چھوٹے کا ابھی رشتہ کرنا ہے۔ عامل صاحب نے ماما کو بتایا کہ آپ کی قریبی رشتہ دار نے کروایا ہے کہ ہم اپنے بھائی کا رشتہ ان کی بیٹی کے لیے مانگ لیں ۔مگر وہ بہت امیر ہیں اور ان کا رہن سہن بالکل مغربی ہے۔ ہم وہاں رشتہ نہیں کرنا چاہتے ۔میں عبقری رسالہ 2009 ء سے پڑھ رہی ہوں یَاقَھَّارُکے فوائد بھی پڑھے ہیں۔جب یہ سلسلہ شروع ہوا ہے میں اب ہر رات اور صبح اول و آخر گیارہ مرتبہ درود شریف کے ساتھ گیارہ سو مرتبہ ’’یاقہار‘‘ پڑھتی ہوں‘جنات نے تنگ کرنا کم کردیا اور مزید مجھے اب بالکل بھی ڈر نہیں لگتا۔گھر میں سکون ہوگیا ہے۔ (بنت تحسین، فیصل آباد)